1Ch 9 | ZomZIV | STEP | Israel kumpite khangthu bu sungah Israel khempeuh kigual khin hi. Judah mite a muanhuai lohna uh hangin Babylon ah salin kikai hi.

1 Chronicles 9

1 Israel kumpite khangthu bu sungah Israel khempeuh kigual khin hi.

Jerusalem-a Om Mite

Judah mite a muanhuai lohna uh hangin Babylon ah salin kikai hi. 2 Tu-in amau neihsa khuapite ah a teng kik masa te pen Israel-te pawlkhat, siampite, Levi-te le biakinnpi nasemte ahi uh hi. ^a

3 Tuate Judah pan, Benjamin pan le Ephraim le Manasseh pan hi uh a, Jerusalem a, tengte in:

4 Judah tapa Perez suante khat Bani tapa Imri, a tapa Omri a tapa Ammihud, a tapa Uthai ahi hi. ^b
5 Shilon-te pan:
A tapa upapen Asaiah le a tapate.
6 Zerah-te pan:
Jeuel.
Judah panin mi 690 pha hi.
7 Benjamin-te pan:
Hassenuah tapa Hodaviah tapa Meshallum tapa Sallu;
8 Jeroham tapa Ibneiah; Micri tapa Uzzi, tapa Elah; le Ibnijah tapa Reuel, tapa Shephatiah, tapa Meshullam ahi hi.
9 Benjamin pan amau khangthu sunga kigual mi 956 a pha hi. Hih mite khempeuh amau inkuan lutang ahi hi.
10 Siampite pan:
Jedaiah; Jehoiarib; Jakin,
11 Ahitub tapa Meraioth, tapa Zadok, tapa Meshullam, tapa Hilkiah tapa Azariah, Pasian inn cing ulianpa ahi hi.
12 Malkijah tapa Pashhur, tapa Jeroham, tapa Adaiah le Immer tapa Meshillemith, tapa Meshullam, tapa Jahzerah, tapa Adiel, tapa Maasai. ^c
13 Hih siampite innkuan lutang hi uh a, 1,760 a pha uh hi. Amaute Pasian inn sungah nasem dingin a siamsa vive ahi uh hi.
14 Levi-te panin:
Merar-te Hashabiah tapa Azrikam, tapa Hasshub, tapa Shemaiah; 15 Bakbakkar, Heresh, Galal le Asaph tapa Zicri, tapa Mica, tapa Mattaniah; 16 Jeduthun tapa Galal, tapa Shemaiah, tapa Obadiah; le Alkanah tapa Asa, tapa Berekiah Netophath khuaneute a tengpa ahi hi. ^d
17 Kongpi cingte: ^e
Shallum, Akkub, Talmon, Ahiman le amau sanggampate hi a, 18 amaute makai Shallum hi in, Kumpi Kongpi nisuahna lamah tu dongin a om uh hi. Hihte in Levi-te giahphual tawh kisai kong cingte ahi hi. 19 Korah tapa Ebiasaph, tapa Kore, tapa Shallum le ama innkuante (Korah-te), a pate uh TOPA omna mun lutna cing ahi mah bangun, amaute in puanbuk ^{▼▼9.19 Tua in biakinnpi ; tg.21 le 23 ah zong} sangkilte a cing uh hi. 20 A masa hun lai-in Eleazar tapa Phinehas in kongpi cingte uk a, TOPA in amah a ompih hi. 21 Kikhopna Puanbuk kongpi cingpa Meshelemiah tapa Zechariah ahi hi.

22 Sangkil a kongpi cing dinga kitel a vekpi-in 212 a pha hi. Amaute amau khuaneu khangsimna sunga kiciamteh ahi hi. David le thumupa Samuel in amau muanna munah kongpi cingte a seh uh hi. 23 Amaute le amau suante Puanbuk a kici - TOPA inn kongpi cingte uk ahi uh hi. 24 Kongpi cingte in pang lite: nisuahna, nitumna, leilu le leitaw ah a om ciat uh hi. 25 Amau khuaneute a, a sanggamte uh ni sagih hun sim a hunhunin amau nasep sem dingin a kuan uh hi. 26 Ahi hangin mun li-a kongpi cing Levi-te, Pasian inn sunga inndeite le gou kholnate cing dinga a muanhuai ahi uh hi. 27 Amaute Pasian inn kimkot-a munte ah a giak uh hi, bang hang hiam cih leh amaute in cing in; zingsang simin tawh hon ding a uk uh hi.

28 Amaute pawlkhat in biakinnpi sunga kizang vanzatte cing uh a; amaute in a sungah a kitum ciangin simin a kipusuah ciangin zong a sim uh hi. 29 Adangte tutphah, sabuai le mun siangtho-a vanzat khempeuh, annel le zu le sathau, gimnamtui le paknamtui-te cing dingin kiseh hi. 30 Ahi hangin siampite pawlkhat in paknamtui hel a vil uh hi. 31 Korah-te Shallum tapa upa pen Mattithiah min nei Levi-te khat biakna-a kipia ding anlum em nasep a kipia hi. 32 Kohath sanggamte pawlkhat in Sabbath sim-a sabuai tunga koih ding anlum bawl a uk uh hi.

33 Tumtheih tumte le Levi innkuan makaite biakinnpi sunga inndeite ah om uh a, nasep dangte a peng uh hi, bang hang hiam cih leh amaute in sun le zanin nasepin a nei uh hi. ^g

34 Hihte khempeuh amau khangsimna sunga kigual Levi innkuan lutangte le a ukte hi-a amaute Jerusalem ah a teng uh hi.

Saul Khangsimna

35 Gibeon pa ^{▼▼9.35 Pa in tangpi makai ahikeh galkap makai cihna hi thei hi.} Jeiel hi-a, Gibeon ah a teng hi. ⁱ
A zi min Maacah hi-a 36 a tapa upa pen Abdon hi in, a zom Zur, Kish, Baal, Ner, Nadab, 37 Gedor, Ahio, Zechariah le Mikloth ahi hi. 38 Mikloth in Shineam pa ahi hi. Amaute zong a tanaute uh kiang Jerusalem ah a teng uh hi.
39 Kish pa Ner, Saul’ pa Kish, Jonathan, Malki-Shua, Abinadab le Esh-Baal-te ^{▼▼9.39 Ish-Bosheth in zong kithei} pa Saul ahi hi. ^k
40 Jonathan tapa:
Merib-Baal ^{▼▼9.40 Mephibosheth in zong kithei hi.}, amah Micah pa ahi hi. ^m
41 Micah tapate:
Pithon, Melech, Tahrea le Ahaz ^{▼▼9.41 Vulgate le Syriac (Septuagint le 1Kh 8:35 zong en in) Hebrew in le Ahaz nei lo hi}.
42 Ahaz in Jadah pa hi-a Jadah ^{▼▼9.42 Hebrew khutgelh pawlkhat le Septuagint ah (1Kh 8:36 zong en in);Hebrew khutgelh tampen ah Jarah, Jarah} in Alemeth, Azmaveth, Zimri pa hi-in, Zimri in Moza pa ahi hi. 43 Moza in Binea pa ahi hi; Rephaiah ama tapa hi-a Eleasah a tapa hi in, Azel a tapa ahi hi.
44 Azel in tapa guk nei a, hihte amaute min ahi hi:
Azrikam, Bokeru, Ishmael, Sheariah, Obadiah le Hanan. Hihte Azel tapate ahi hi. ^p